4月18日(星期三)
早上8:30 去健康院就登記,等叫名度高磅重和驗小便。
我覺得依個時間要整個健康院產檢等得比較耐。
之後,就是見護士約10mins-15mins,護士都好好人,
問了有關身體狀況、家族的健康狀況、又會鼓勵餵母乳…
再來就是見醫生,幸好是女醫生,感覺舒服得多。
而醫生就用胎動機聽bb的心跳,不過,
真的要花時間找bb心跳
想不到聽完心跳,就是用鴨咀鋏的時間,依部分預料不到,有點害怕,
因為之前知道有些媽媽用完鴨咀鋏之後會痛及流啡…….
幸好,醫生都好溫柔,整個過程都沒有痛,只有少許不習慣……
再來,就是抽血的時間,一見年輕的護士總會擔心抽血的手勢會不會不好,
抽到又痛又瘀。感恩是,很快沒有痛楚之下完成
最後,就因為爸爸有糖尿病,於是,
下星期又要回健康院飲糖水及抽血,又要請假,又要抽血
4月19日(星期四)
就是連續兩天要請假去做產檢..............
預約做oscar 的時間是早上10點,但真的要等好耐好耐,
等了個半鐘(無錯,是個半鐘),才見到護士照超聲波,度頸皮,0.19cm,pass~
之後,就'博大霧'問護士(因為其他人指政府護士不會答是囝或是囡),
''bb 雙腳中間無野,好似囡喎~''
護士答︰係丫,好大機會係囡丫~--> 但原來係錯(大家起之後的post 會看到)
照完頸皮,就去抽血,手勢幾好。
(P.S: 如抽血之後沒有問題,是收不到電話。
如有問題,就會打電話予你,叫你回醫院看報告或要決定下個行動︰抽胎水/抽絨毛。
所以這時候就是不希望收到一些不明來歷的電話)
由照超聲波到完成抽血都只是花了半小時,
但之前等了個半鐘,真是等到樹葉落...............
做完oscar既一星期,我都成日收到銀行或其他公司既電話,平時我已經好唔like,果個星期唔想聽到電話響,但又要聽,真係好乞人憎!!
回覆刪除[版主回覆04/26/2012 16:42:52]對丫,又怕miss call,又怕..............就係擔心~
鴨咀鋏 @@"""
回覆刪除我都好驚鴨咀鋏,產檢用鴨咀鋏來做什麼啊.....好驚啊......@@""
[版主回覆01/09/2013 08:28:03]唔怕唔怕,我個陣個個女醫生好溫柔,
只要放鬆,唔痛丫~^^~
佢係要黎睇陰道有無異樣~