，買到有點覺得自己過份，
連玩具都起18- 20wks就已經買左兩件~
心態上:
1. 玩具: 不放入口的，都可以買二手
2. 反正要買，早點見到有平就買
3. 今年多人生龍，二手玩具很搶手
1. Sophie the Giraffe~
它是於法國Alps製造的全天然, 安全, 無毒染料, 手造的柔軟寶寶牙膠玩具
主要功能:
讓bb 牙癢時，有件安全的玩具狂咬
購買來源: 因10月媽媽會的媽媽很好，義不容辭搞團購，
所以能以較便宜的價錢買回來
適合玩的年齡: 約五個月，準備出牙仔
2. Fisher price rainforest jumperoo 熱帶雨林彈彈椅
無想過這麼早就買的項目，
只是見有二手，價錢平，而且能在家附近交收，
很快就搬了回家~
主要功能:
放bb上去之後，讓照顧bb o既 99有時間做其他事(main pt)訓練bb 腿力，準備學坐、企適合玩的年齡:約四個月，bb 頸仔支撐到頭仔
每日時間: 一日玩總共30mins 就夠
有排倒水呀.hehehehe
回覆刪除[版主回覆06/08/2012 08:34:52]你講得岩，所以依家都慢慢睇有無岩o既玩具，
有o既都早點買左先
個彈彈椅唔錯喎, how much啊???
回覆刪除[版主回覆06/11/2012 08:54:33]我係買二手，$750
oh~ 睇到你地咁倒水法, 令我唔想咁快生住了...hahahaha =p
回覆刪除[版主回覆06/13/2012 09:25:13]asuki o既回覆都令我有好多反思，尤其係照顧bb 個部分，我都有我要面對的隱憂。其實雖然62 係同99 同住，但其實62 年紀已經好大，而且係一個'太上皇'，我99 照顧得62 好好，所以有左阿bb 之後，都唔知62會唔會爭寵。另外，62 都大年紀，身體開始愈黎愈差，99要照顧佢都大壓力。 所以，要加多個bb ，我都唔肯定到時會點。只係見到6299 都期待 個孫出世，而且，佢地都覺得照顧bb 唔係甘難。雖然可能到時未必佢地真係照顧到，先再請工人及鐘點幫手。所以，我同發都有共識，放工之後，就去99度，食完飯就湊bb 返屋企，一來多o的時間對住bb，二來係想兩個老人家都有覺好訓，雖然甘樣係辛苦，但我努力堅持。
而且，我都想bb 由細個開始，感受家庭的溫暖，唔但止係我同發俾佢o既愛，仲有其他家庭成員，讓他從小學習要尊重長輩，明白家有一老o既好~
同埋，asuki 有好多想法時，都可以多點同有bb o既家庭傾談，同佢地一齊出外，感受多點。因為坐起度想會將問題愈想愈大。尋晚同發講起對生小朋友的恐懼(佢都有)，佢話上帝都俾左10個月先出世，其實都有好多時間俾佢做心理預備，唔係一黎就面對一個活生生的生命，而且過程中(者係依家到5個月多)又唔係有好多困難，反而見到恩典處處
懷孕，生產過程是一條充滿信心的路
[阿雪琪回覆06/12/2012 13:26:46]好多謝Manchi你的開解, 我諗要搵你多d傾計至得了。
的確, 你講得好岩「兒女是上帝所賜的產業，而且當你地有小朋友o既時間，上帝會大大賜福俾你地，滿有恩典。」我也曾經聽過對兒女最震撼的分享是連加恩醫生 (愛呆西非連加恩的作者) 他曾經分享:「我計劃生四個小孩, 別人聽到會摸不著頭腦, 「孩子越多，花費越多」這話絕對沒錯, 但我相信，我們每個人都是上帝派來地球的小天使，可以解決問題、改變現狀、祝福別人，這些天使的工作，我喜歡用一個名詞形容「Agent of change」，然而因為改變世界這個工作太繁重了，我們一輩子只能完成拼圖的一小塊，需要別人接手，而生四個小孩，代表我們離開世上之後，我們家所貢獻的改造人力，可以增加一倍。需要人丁旺盛是為了這個。」聽後叫我感動得流下淚來, 我從來沒聽過有人生孩子是為了福音更廣傳, 這道理從來沒想過。
但回到現實再細想, 連醫生可以理直氣壯地說出這話, 是因為神的恩典供應, 加上他是一位醫生。我也深信上帝會看顧佢自己的產業。但在教會, 好現實地, 我看到一個一個產業出世的時候, 一對一對的父母開始淡出佢的侍奉, 有d更連團契也不見影子了, 當然崇拜我更不知道(因為教會太大了)。兒女是上帝所賜的產業, 我倒不認為上帝會賜一個阻隔與衪親近的東西給我們。但往往很多父母也將子女的位置放得比神更高。其實我好明白也能理解, 面對住昂貴的供樓, 又要供養妻兒, 實際d諗, 男人緊係多d時間工作, 搵多個錢好過。侍奉又無錢, 花的時間及心力又多, 當然為家庭收入, 讓太太及兒女有安穩的生活重要啦!! 唉..... 所以我還未調節好自己的心態, 我也相信上帝有供應, 應該好似以色列人仰望嗎哪一樣, 但都唔係次次「老馮」覺得上帝「包底」丫嘛!!! 自己都要努力工作, 為家庭付出。而呢個付出, 我又好矛盾了。
在於我倆的收入來說, 不足夠讓我可以做少奶奶。(當然我也不想放棄自己的工作。) 基於收入的管轄下, 唯有將bb比99照顧。(一心的想法跟你一樣) 但有次老公跟一位店舖老闆娘傾開生仔的事, 佢好有Point地指出。「聖經說: 「人要離開父母, 與妻子連合…..」生bb時又搵返父母, 其實有無想過自己的父母想不想。原本失去自由的重擔應該自己承擔, 何解又要將這重擔附加於父母身上呢? 而自己可以過自己喜歡的生活, 去旅行, 約朋友, 回教會, 繼續做喜歡的工作, 說實的, 這樣是正確的想法嗎?」我同老公從來都無咁諗過的, 聽到後真係當頭棒喝。原來我地一直有好多自私的想法, 一直都唔想放棄自己的生活, 自己的興趣及時間, 原來我倆一直都唔想為bb犧牲。
Manchi, 我同你好唔同, 我跟你最大出入的是, 我62及99分開了的, 如果只有99一人 照顧bb, 其實對佢來說壓力會好大及好辛苦。自己後生的, 如果要我一日八小時對住bb都辛苦啦, 更何況是99老人家自己一人呢?
我想這個犧牲源於我不夠「想」要一個新生命, 我知道我會生bb, 但並唔係「好恨」要。我相信, 如果我去到一個階段, 我「好恨要」/ 好想要的時侯, 我相信我會願意放棄我現有的。的而且確, 我未去到呢個階段, 所以存在的「愛」也是有條件性的愛。
我想用3年時間來重整一 下自己的心態, 才預備迎接新生命。這樣對bb也公平一點, 但有時上天就這樣幽默, 唔係我預備好正確心態, 神就立即比產業我。當要我等候的時候, 究竟我的身體又能否可以適合懷孕呢? 所以老公為我安全著想, 想我早d計劃生B, 而我想準備好自己才生B。這個位置都已經夠矛盾了。
心裡有好多好多的矛盾位, 好多好多自私的想法, 所以好想take一個「產前輔導」重整一下, 只可惜方間竟然沒有這些course, 唉..........
[版主回覆06/12/2012 08:40:05]多謝asuki 甘認真回覆我
我都好認同唔好抱著人有我有o既心態去生小朋友，要自己覺得ready 都緊要。不過，又要留意究竟點樣先係'ready'去有小朋友。因為有小朋友係對我地黎講係一個好多'不明朗/不明白'，所以當中係會有恐懼，但記得'ready' 係包括埋有心理預備去面對這些'不明朗/不明白'o既地方。不要讓這些恐懼成為我地未ready o既原因。
因為兒女是上帝所賜的產業，而且當你地有小朋友o既時間，上帝會大大賜福俾你地，滿有恩典。(正正因為在懷孕中不斷經歷上帝的恩典，所以我好鼓勵人地想生o既快o的生)
[阿雪琪回覆06/11/2012 16:06:13]hehe~ 我都係講下笑....其實係自己完全未Ready作mama姐......小孩的物質需要是小, 係一手or二手都唔緊要, 佢成長環境, 父母對佢的影響先大。Manchi你的工作, 可以直接turn你成為mama的心態, 我可還未Ready呢!
當進入人生另一個重要階段, 有「婚前輔導」好讓大家知道婚姻係咩一會事, turn大家的心態, 有正確的婚姻價值觀, 令大家ready進入婚姻, 成為人妻/丈夫。而我想知, 點解唔會有「產前輔導」呢? 我個人覺得製造一個新生命, 比進入一段婚姻所遇到的挑戰更大更多, 因為這直接影響小孩的身心靈發展及行事為人。我自問不是一位稱職的妻子, 更莫說能成為一位好mama呢! =(
香港多港童出現, 好多時都係家長造成, 甚至可以說係社會造成。父母為了供一層貴到飛起的樓, 迫住2個要一齊工作, 唯一只可以請工人姐姐照顧。父母唔得閒教導子女, 一心諗住學校老師會教。老師又諗住父母教係佢地自己的責任。工人姐姐更加唔會教小主人處事。婆婆公公就更寵愛自己的孫子。久而久之, 無人教, 就讓這個道德淪亡, 越來越差的社會教你的孩子。12歲出來做援交不足為其, 因為社會教的就是物質主義的主導社會, 有錢使得鬼推磨, 什麼道德, 操守, 良知等, 誰來教這是遠比金錢更重要呢。
所以我個人認為還未READY為成父母, 都唔好因為一時的「想」, 或滿足自己一時的慾望, 而令一個新生命變壞。我還有很多心態上需要學習的地方, 所以也急不來。當心態READY, 才接受一個新生命,我個人認為 這比較正確。(不過這都係我個人的觀點罷了, 不能作絕對化而論。)
[版主回覆06/11/2012 15:18:41]唔好甘講，反而你快O的生，
甘就有好多人俾到二手野你(包括我)，
係我O的朋友仔都係差唔多時間生，
我B 無'二手命'，先要買甘多野
個彈彈椅我之前都有諗過買, 不過好似用唔到太耐, 用完之後又收唔埋, 所以就放棄左。不過我見有朋友俾阿B玩, 阿B又真係幾開心~~~
回覆刪除[版主回覆06/13/2012 15:27:42]其實我係衰ｍａｍａ，成日諗住點困住bb，
等99 有多o的時間做野，
因為99 係樣樣野都自己做，清潔買餸照顧62都係佢做，
佢又唔想請人幫手，我又唔想佢太辛苦
所以先不停諗買咩玩具俾bb玩之餘，又'困'住佢
我好忍得手...到依家一樣野都冇買過....
回覆刪除Sophie，我個仔勁鍾意咬啊~ haha
回覆刪除[版主回覆07/20/2012 15:33:36]hehe，bb 都係鐘意咬野.........