這個問題在這段時間裡不斷在腦海中反覆思考
應否辭工湊仔
一直以來，我覺得99好好，
個人好好，十分照顧我.............
而且好有耐性，勤力，乾淨的人
所以，有了謙謙之後，我都打算找99湊謙謙....
的確99 湊謙謙都好好.......
而且深明當謙謙要上學時，
花費更加多，
兩個人工作所得的可以給好一點予謙謙
但不知為何有時就是不能認同6299的做法，
如謙謙扭就要抱，
6299受不到謙謙扭，
就用盡方法令他收聲..........
有時，我覺得好不舒服的是，
我回到99家，99要煮飯，
謙謙扭計，一就62叫我抱，
一就99停下手腳走去抱他..........
結果，在他人屋簷下，我不忍99又要煮飯，
又要走去抱他，
我屈服了，自己去抱
(其實個心真的不開心)我試過抱著謙謙時，他仍然扭計，
62竟然「俾說話我聽」，
嬲爆
我老公的想法是同我一樣，
就是扭就由他喊下..........
結果..........就是給99話老公「唔識湊」，
又是在老公手搶了謙謙來抱.....
另外，又講開謙謙很喜歡望我們食飯，
62就說他們餵叔仔食飯，
餵到七歲，呆了!!!!
我即時反彈指如果我見有小朋友家長餵飯餵到七歲，
我話這些是寵壞
我自己接受不到
但另一方面，我覺得6299真的對謙謙做得出
餵飯餵到七歲......................
我真的沒信心，
其實講過扭抱的，可以由他喊下，
但最後6299 都做不到，
而且，知道對6299 不可有太多要求
然後，又想下自己想培養謙謙成為一個怎樣的人呢?
我希望謙謙成為一個愛主愛人，有禮，守規，自律的人
就會想在工作下的自己可不可以教導謙謙成為這樣的人.....
的確很難........
其實是不是我想得太難，
其實是不是就算我少時間教他，他仍可學習得到?
其實我是不是對6299有多些信心，
因為有很多人都說家人湊的都是比較好...........
或者我是不是應該給多點信心了6299?
或者是不是我太緊張?
辭職的難處當然就離不開金錢$$$$$$$$
大家可否分享下...........
我而家都係諗緊相同既問題呀...
回覆刪除因為我份工好忙, 所以得星期六日見到tarebaby, 係miss 左好多佢既成長點滴, 見親都覺得點解tarebaby 會唔同左既...
我爸媽揍bb 方面我比較放心, 因為有咩我地都有得傾.
而家亦諗緊係咪生多一個, 如果有兩個小朋友, 我覺得更需要o係屋企同佢地一齊成長, 但係開支就會有左, 咁老公一個人做野就會好大理力...
[版主回覆03/18/2013 15:51:34]對，其實生第二個有又多壓力，真係唔易....
真是很難的抉擇！但我見過很多fulltime mum因為24小時對著小朋友搞到好緊張小朋友，小小事放到好大，我個人認為生了小朋友還是keep住做點工作好，平衡一下生活，或者可否轉做半職？
回覆刪除[版主回覆03/18/2013 15:51:08]fulltime mum因為24小時對著小朋友搞到好緊張小朋友-->我都見過唔少，
所以我都諗係唔係自己過分緊張，
其實俾99 湊都ok..............
依家我都俾時間觀察下99 湊阿仔o既情況，
而自己有時又出下聲，再睇下先.........
我情況同你差唔多, 或者你比我更好..
回覆刪除因為我下星期一就開始返工la, little k黎緊只得工人姐姐湊,
我媽, 99都唔會黎幫我手, 人人都話得工人湊會唔好,
我都知......但係...我又可以點, 得老公一個做野既話, 我唔忍心佢咁大壓力咁辛苦,
我夠好想日日對住個囡好好照顧佢...
但係現實係...將來每樣都要錢,
我情願放工返黎, 同埋放假時多d同個女相處,
無計架......好多人都係有咁既問題...
加油, 支持你呀...!!!!!!!!!!!!!!!!!!
[版主回覆03/18/2013 15:49:27]多謝你，做媽媽真係唔易，
有咩事真係要呻下.....
Hello, 我就係辭職湊仔，呀仔三歲啦，好enjoy做FTM。辭職原因係頂唔順99湊，加上，真係好想陪住小朋友成長。
回覆刪除[版主回覆03/18/2013 15:41:15]因為我好怕.....我見6299係寵壞左我叔仔................
好怕謙謙會好似叔仔甘........
[版主回覆03/18/2013 15:39:34]我都俾幾個月時間俾自己去觀察，
睇下99'湊'成點...........
我諗過唔到自己個關就轉做part time，
多o的時間教謙謙.....
俾老人家照顧一定會有這個問題，係改變不到。
回覆刪除我都好想做FTM，但無奈要向現實低頭。
[版主回覆03/18/2013 15:38:09]唉..........係唔係我自己過於緊張呢?
但好怕隨著阿仔大，就因為唔捨得佢喊同扭計，
於是，事事遷就，樣樣順左阿仔.........
成就了一個小霸王的誕生
-------------> 又一次諗自己會唔會諗得太多呢
[Sharon and Benny回覆03/18/2013 14:26:36]係, 我完全同意, 老人家錫孫, 真係唔會捨得佢喊同扭計~ 改變唔到佢地, 只可以改變自己~
我都好想自己湊... 不過返工又有多D自己時間同$$, 而且我仲要供養自己父母, 所以都無得揀~
回覆刪除其實BB教養方面, 我覺得由你老公FIRM D同6299講。有時我自己又會講, 阿表姐個囝點點點... 等佢地接收下...
之後BB返學, 應該又會好D, 依段時間唯有自己放工趕返去, 盡量多D時間自己對住BB喇... 有6299, 我地D阿媽都係要做下黑面個位, 我估你要教個陣, 應該唔會出聲卦...
一諗起又會有淡淡憂傷~~
[Ivy回覆03/20/2013 01:23:20]我奶奶都成日話燒腩仔唔夠飽想加奶畀佢，不過我哋試過加但佢根本飲唔晒，所以無畀佢咁做
[忌廉火柴回覆03/19/2013 11:18:51]唔講你唔知, 其實我99都有自己加奶俾豬脾架~ 我都好緊張, 唔想佢咁做~ 後來我睇開左, 個D係人奶, 當係水飲都無害O既, 而且BB 下午真係會飲多D, 我自己埋身個陣都FEEL到, 所以後尾就加多D俾佢...
有時明明夠佢都拎多幾安去佢屋企, 我就會無聲抗議, 個少少奶就算無飲, 我都唔會留下餐, 同埋有同佢講, 俾左你的已經加左, 唔駛再額外加...
[版主回覆03/19/2013 09:44:38]唉....我同忌廉火柴 相反，一開始都放心，依家反而有多o的顧慮，
依幾日我發覺雪櫃o既奶少左，
忍唔住問左99，99先講自己加左奶俾謙謙.............
唉..........
所以我時常提自己係唔係自己過份緊張，
就算自己湊，依o的緊張對阿仔都唔好....
[忌廉火柴回覆03/18/2013 16:51:48]初初俾99湊我都好多顧慮, 不過3個月喇, 都平安渡過咗~ 我地有時都要放開D, 時間來到先見招拆招~
我最驚我地過份緊張, D老公又夾係中間難做啦... 互相提醒呀~
[版主回覆03/18/2013 15:35:38]其實我唔介意做黑面個個，我自己都打算做虎媽，但好唔鐘意佢地做架兩，而且最怕就係阿仔會變成小惡魔，人前人後唔同樣，分化左成個家...........起依個位，我都諗自己會唔會諗得太多呢
大 多 數 祖 父 母 都 會 錫 住 自 己 0的 孫 , 無 辦 法 , 唯 有 父母 有 時 間 &機 會 就 教 導 佢 0地... 我 諗 要 從 細 開 始 , bb大 大 0下 就 識 聽 識 分 對 與 錯又 識 睇 人 面 色 ...
回覆刪除我 係 由 全 職 工 轉 ftm, 我 成 日 覺 得頭 0個 幾 年 好 緊 要 &請 人 真 係 唔 及 自 己 湊 ...好 多 工 人都 無 0甘 好 心 機 &耐 性 ... 不 過 有 祖 父 母 湊 都 唔 錯 架 ! 其 實 佢 0地 0既 壓 力 仲 大 ! 又 驚 做 錯 0的 咩 我 0地 會 怪 佢 0地 ...所 以 其 實 我 知 有 好 多 祖 父 母 都 唔 敢 揹 0甘 大 個 責 任 0係 身架 ~
有 邊 個 父 母 唔 緊 張 自 己 0的 仔 女 ? bb喊, 我 都 唔 忍 心 由 佢 喊 ...bb仲 細 又 未 識 表 達 自 己 , 喊 ,一 定 有 佢 0既 原 因...我 個 女 出 世 都 成 日 喊 , 每 次 喊 我 都 會 抱 , 不 過 唔 喊 就 會 放 返 床 仔 ...到 依 家 (touch wood)都唔 會 無 啦 啦 喊又 唔 會 成 日 扭 抱 (我 反 而 想 佢 癡 我 多 d ... )當 然 , 每 個 人 做 法 都 唔 同 , 每 個 bb都 唔 一 定 受 一 樣 0既 教 法 ~
你 放 假 &夜 晚 係 咪 自 己 湊 返 ? 襯 有 單 獨 時 間 就 可 以 了解0下bb(&自 己 )想 唔 想 做 ftm還是 交 俾 6299~
[版主回覆03/22/2013 11:46:03]放假，夜 晚都係自己湊返，
就係自己湊返，就知其實有o的時間係個衰仔自己起度扭
其實起度呻下已經舒服好多........
不過，都keep 住睇下有絛機會轉parttime~^^~
我同你遇到相同問題,我6299又係緃到妹豬不得了,佢一扭就即抱,有時真係好鬼忟架,不過都係嗰句,唔可以有太多要求,鬼叫自己要返工咩,諗深一層,佢出發點都係鍚佢(雖然係用錯方法),不過我覺屋企湊點都好過姐姐湊。我都有諗過想自己湊,不過一諗起第二時返學、學嘢要用好多錢就打消呢個念頭
回覆刪除[版主回覆03/22/2013 11:43:45]嗯嗯，我依家每次有o的野睇唔過眼，
都會問老公，我可以點說服自己.........
唉........始終俾人湊就係唔可以有太多要求~><~
其實俾得人湊, 預左唔會跟你自己果套. 我自己亞媽都係咁, 講一套做一套. 雖然無人包邊一套一定最好, 但如果無太大經濟壓力 (因為錢過多幾年再搵過都得), 你又enjoy留喺屋企既, 梗係自己湊番最好啦!
回覆刪除btw, 餵到7歲確實有啲駭人, 有啲好奇你叔仔而家turn out係個點樣既人?
[版主回覆03/22/2013 11:42:54]我叔仔係一個聰明仔(指讀書方面)，
但唔理屋企o既野，起屋企唔出聲，
雖然6299 叫佢做o的咩佢都會做，
但都只限'叫'先做.........
係一個典型o既少爺仔
同老人家住，老人家會寵bb都在所難免，有時我同奶奶個唸法唔同，有啲忍都就算，有啲都會出聲架，好彩佢間中又會聽我講。
回覆刪除不過做FTM可能會辛苦過返工，同埋你係同62 99住嗎？咁日對夜對可能仲大磨擦喎？
我有時都有咁唸，我細個志願係做個C奶，不過兩個人搵錢個生活可以好啲，真係唔捨得放棄
[Mrs. Chu回覆03/25/2013 17:59:44]唔知你老公係咪呢，我老公冇咁緊張架，好似試固體咁我會跟健康院指引，但我老公會覺得老人家湊得咁多件有晒經驗，會信佢經驗囉。唔知係咪媽媽通常都係緊張啲果個呢？
希望你62 99唔係太固執果種，因為有時同老人家講佢地都學新知識咁，都會肯聽架
[版主回覆03/25/2013 09:17:19]可以我睇管教小朋友比較重要，
所以成 日都會諗
而且，我屬於衝動，容易得罪，所以同99 住，
實頂唔住
其實有o的野我都會出聲，睇下佢地o既反應.............
老公都好好，有時都幫口，只係佢返到黎已經比較晚，
睇唔到99 點湊謙謙.........
有時我都唔想講甘多，始終99 係老公o既媽媽，
都唔想老公難做.
[Mrs. Chu回覆03/24/2013 21:49:18]如果唔係同老人家住都好啲嘅，始終對住你嘅時間會多啲，可以再教番謙謙嘛！
我唸令個家分化左係exceptional case，因為都要睇埋父母點處理，先同老公有個共識先，必要時真係要老公出口呢
[版主回覆03/23/2013 08:28:13]其實我無同老人家一齊住，如果住埋一齊應該好大件事
mrs chu，你講得岩，兩個人做野，生活舒服好多...........
起碼我成日都可以敗家
只不過，可能係職業病，我怕謙謙在成長中因老人家的寵愛，
而成為一個小惡魔...................
--> 自己見唔少，甚至因為一個小霸王，
令到成家分化左.........(會唔會過於擔心呢?)
我下次見99 時，會再溫馨提示下......
餵飯餵到7歲真係唔得....
回覆刪除我自己覺得，俾得媽咪/奶奶湊就預左 BB o係佢地度時要跟佢地o個套，唯有o係自己度時做返自己o個套..... 再大 d 變成小朋友時都真係唔知點算.... 我覺得 keep 住返工都係好事，唔會過份緊張變直昇機，就算99直昇機都有媽咪可以俾唔同角度o既管教俾小朋友..... 慢慢黎啦... 唔好太心急同緊張... 希望你好快諗掂啦
[版主回覆03/25/2013 09:19:32]嗯嗯，可能我係性急o既人，真係慢慢來........
觀察觀察觀察
好明白... 我bb 6個月大，媽媽幫我湊，自己阿媽加上我媽媽係超級無敵好... 但小朋友既學習真係出乎你意料之內... 有時都好想好想每日對住佢，食咩、教咩都自己一手一腳。但我係超要有事業既人，所以一直都唔比自己做ftm，因為咁樣我一定會唔開心。可能好阿Q，但我覺得，小朋友都要學習跟唔同人相處，既然比得人湊就要接受，唯有自己一有時間就親力親為，始終無野係完美。加油... FTM又好.. WORKING MOM又好... 所有媽媽都係愛自己仔女的
回覆刪除[版主回覆03/26/2013 09:26:33]講得岩--> 所有媽媽都係愛自己仔女的
做FTM其實辛苦過你返工的，雖然奶奶和老爺的一套，你可能唔認同，不過大多數的老爺奶奶都是咁，我而家做FTM，仲要同奶奶住，她給我聽的說話仲多，又話我唔識做人呀媽，又話我唔識湊等，所以如果你唔做野，一來同社會脫節，BB大過就好難再搵野做，兩來資金壓力大，三來只會令兩老更多借口話你，所以我而家都轉做PTM，每日做4-5個鐘part-time，一來錢的壓力無咁大，起碼有多D錢買自已鐘意買的野，二來，亦會有時間和bb相處，三來，有工作奶奶見你做野，都唔會有咁多說話話你！不過對於老人家的一套，有時真是好煩，唔埋又唔得，聽它的一套又行唔通，唯有大家溝通多D！
回覆刪除[版主回覆03/26/2013 09:26:01]我放假個陣湊仔真係好辛苦...........
只係忍唔住，有好多時都睇唔過眼，
所以都係少見為妙.........
你同99住埋，甘咪好辛苦?而且又勁煩
餵飯餵到七歲<-- 不能接受!!! 港孩就係咁樣黎!!!
回覆刪除AI..你呢個苦惱我都有, 我都好掙扎!! $係其一, 仲有生活圈子啦, 同事啦, 同埋私人空間... 我好怕自己唔返工會同社會脫節, 因為一湊親仔我就可以成日唔出街, 係屋企自然勁烏WEI, 想唔變黃面婆都難~ 我又好需要私人時間, 有時返工反而可以抖抖, 返到屋企對住阿仔想抖幾難..
不過, 講到尾, 繼續做野都離唔開錢~ 依家兩個人做野養3頭家(自己, 99, 自己父母)呀!! 得返一個人做點掂?!
[Cherry回覆04/08/2013 12:51:58]全中﹗我已經烏wei再3個月
[版主回覆04/07/2013 22:14:37]因為一湊親仔我就可以成日唔出街, 係屋企自然勁烏WEI, 想唔變黃面婆都難~
--> 完全認同，我做左13日FTM，簡直唔見得人..........勁烏WEI
不過, 講到尾, 繼續做野都離唔開錢~--> 所以祈禱中，希望上帝成就.........
我覺得同湊bb既人.一定要傾好.大家都要有共識架wor.
回覆刪除我都明白.已經叫人幫手又唔可以要求太多.
但係大家都係想bb好. 都要係大家配合.
我覺得一個小朋友駛既錢真係好多.
又想俾最好既野佢.所以份工.又真係好唔捨得唔做既.
我有時都會諗.想放多d時間係個仔度.係第時追唔番既寶貴時間.
我自己係媽咪湊.所以易d傾講d. 我都明如果係6299既話.真係會難搞d
[版主回覆04/07/2013 22:13:09]其實錢真係一個好緊要O既因素，
始終自己依家返工，洗$$ 都豪爽O的
比起做FTM 我會比較偏向考慮請姐姐。
回覆刪除因為姐姐你還可以叫佢點點點, 不過 62, 99 就不可以了。(當然請姐姐也講彩數)
我62, 99 都好縱架, 我現在都是隻眼開隻眼閉。
[版主回覆04/07/2013 22:12:17]可能自己睇唔過眼，先唔可以隻眼開隻眼閉，唉.............
不過，依段期間都係要忍....