餵奶方面
開始穩定，只是小B 真的大得快，
已經由3OZ(90ML)增加至110ML，
而看到小B 食量增加時，
心裡無形都有壓力
，擔心自己的奶粉追不到小B的食量。
所以每次小B 食量增加，自己都不期然焦急。
幸好，奶量總算剛剛好夠食。
不過，當產假已去到一半時，又開始苦惱儲奶。
現在的奶量只是剛剛好夠食，真的不知如何儲奶。
後來上網看其他人分享，
就是埋完身後，再泵清，將小小的奶慢慢儲起來。
我就在這星期開始儲第一包奶，
真的不易，一至兩天先儲到一包，
而小B的食量多，現在還是一日8 餐。心裡仍是覺得很難儲奶到小B夠食的分量。
不過，就是盡力，加油!(為自己打氣，亦為在職奶媽打打氣
)作息方面
雖然小B 懂得分日夜，但有時食完奶仍不肯入睡，
要食完3點餐奶才肯訓。而期間就不停扭抱，
而99是心軟的人，所以很多時就會抱起小B呵他，但他都不肯訓。
扭抱方面
小B愈大，就好似知道邊個會抱他，就會在那些時間抱他。
(都唔知係讚小B醒目，定嬲佢識得睇人欺負
)我是狠心的媽媽，
如小B是食飽，片又是乾淨，沒有不適，就不會抱他，由他喊。
而下午，他是比較清醒的時間，如他喊悶，我就會抱他，同他傾計。
而食完6點奶之後，因為我要煮飯，就會由我喊，他就會自己訓。
就算有喊的時間，但很快自己訓。
如99 晚上來到家，小B又會喊得大聲，又心軟的99就抱起小B呵他
當小B 愈大，愈多表情，令老公成為小B的粉絲，影過不停
謙謙bb 好可愛呀 !!! 期待快d同佢玩 !!
回覆刪除[♥ Ｂiｌlｙaｎ ♥回覆12/19/2012 15:13:31]返呀, 到時見。
[版主回覆12/19/2012 12:30:19]我應該25/12會返教會，你返去MA?
咦，謙謙手上套果舊係咩黎架？
回覆刪除其實我覺得返工前唔一定要儲奶，尤其你宜家開始半埋身半泵，我開頭個幾月都係剛好夠BB食，之後越泵越順，結果啲冰奶都冇用（其實啲冰奶so到爆炸，越耐越so，你都唔捨得畀BB食架）。不過有多都儲起佢先，唔食都可以用響其他地方呀
[版主回覆12/19/2012 12:29:50]佢手上個個係搖鈴..........等佢自己郁黎郁去........
要儲奶--> 係因為返工之後好忙，我怕泵得小，奶量會跌..............
唔知咁擔心,只要泵/埋身食得密啲,就可以keep住奶量~加油加油!!
回覆刪除[版主回覆12/19/2012 10:47:17]我依個星期都係埋身，
都覺得奶量係多左，
尤其係埋身食完一邊，而另一邊太谷(之前要食兩邊先夠飽)，
之後再泵，都夠一餐O既份量
真係可以由佢喊唔抱又唔餵? 我 bb 而家3wk大, 我就係覺得好 confused 唔知佢想要乜....
回覆刪除[版主回覆01/28/2013 11:51:22]小小真係識認地方~><~
[小小媽媽回覆01/26/2013 09:52:18]我見過餵奶姑娘好多次喇..... 個衰妹妹次次o係外人面前就表現得勁好......返屋企先再癲過... 所以餵奶姑娘已經幫唔倒我喇.....
[版主回覆01/25/2013 10:44:39]不如你去健康院的母乳指導丫，
你起佢面前餵，佢地會俾好有用的意見，
睇下究竟bb 係唔係夠飽
[小小媽媽回覆01/25/2013 09:51:26]因為所有資訊都話母乳係按需要餵哺...即係喊就係要.... 而且無從得知佢係咪食飽定唔飽 (例如佢出世第2週因為同出院比輕太多所以我地要日日返健康院....)
[版主回覆01/25/2013 08:51:28]只要confirm佢食飽，我係會俾佢喊下，
頭一個月就由佢喊10mins(同老公共識左)，
大o的就由佢喊耐o的
當然佢喊，你自己都行開下，做下野
對住佢喊，你自己情緒都唔好